أولاد حمارك المخلوع
أولاد ابو اسماعيل
أولاد عمر سليمان
..مش عارف ايه حكاية الابوة اليومين دول..هو العالم دي ملهاش أب ولا ايه؟؟
ياجماعة الأبوة دي معني سامي مينفعش نطلقه علي كل من هب ودب..ومينفعش نطلقه علي رئيس بلد أياً كان..
الابوة تطلق علي صنفين من الناس ..
1- أبوة النسب..
2- والأبوة الروحية ودي مكانها ((الدين))..مش الدنيا
هدفها سامي أخروي أخلاقي بحت...مش مادي وصولي نفعي..
أنا ممكن أقبلها دنيوياً لما أشوف إعلانات ((أولاد رجب مثلاً))
إنما لازم نفهم ان رئيس البلد دي موظف زي أي موظف بس الفرق في كثرة المسؤوليات وضخامتها..
وكثرة المسؤوليات مهياش للتشريف وإنما للتكليف والمحاسبة..والعقاب بيبقي أشد
ياجماعة علي تقوي وورع سيدنا عمر بن عبد العزيز مسمعناش عن ((أولاد عمر بن عبد العزيز))..ويوم تولي الخلافة كان يوم مأتم!!
وبعدين يجي سؤال مهم جداً..
لو الأب ده في يوم غلط...إزاي هنحاسبه بمنطق الأبوة..؟؟طب إزاي هنشيله ونجيب غيره..((دي تبقي قلة اصل وندالة))..في حد في الدنيا يشيل ابوه ويجيب حد مكانه؟؟؟
فكروا بالعقل وبالمنطق وبالحكمة..ودايما لما بفتكر ولاد فلان أو علان ...بتذكر قوله تعالي /
{ادْعُوهُمْ لِآبَائِهِمْ هُوَ أَقْسَطُ عِندَ اللَّهِ فَإِن لَّمْ تَعْلَمُوا آبَاءهُمْ فَإِخْوَانُكُمْ فِي الدِّينِ وَمَوَالِيكُمْ وَلَيْسَ عَلَيْكُمْ جُنَاحٌ فِيمَا أَخْطَأْتُم بِهِ وَلَكِن مَّا تَعَمَّدَتْ قُلُوبُكُمْ وَكَانَ اللَّهُ غَفُورًا رَّحِيمًا}